Uşaqlarda qulaq tutulması zamanı nə etmək lazımdır və necə müalicə olunur?

Valideyn olaraq edə biləcəyiniz ilk iş uşağın burnunu dəniz suyu ilə səliqəli şəkildə təmizləməkdir. Burun tənəffüsü bərpa olunduqda qulaq tutulması da tədricən açılır.

Burnuna damcı töküb 5 dəqiqə başını yana əyin. Burun açıldıqca qulağın təzyiqi normala düşəcək.

Bizim uşaqda da oxşar vəziyyət olmuşdu. Həkimə apardıq, məlum oldu ki, çimərkən qulağına su qaçıb və oradakı kir şişib. Müayinə edib xüsusi damcı yazdı, 2 günə düzəldi.

Uşaqlarda qulaq tutulmasının ən yayğın səbəbi adenoid, yəni boğaz ətinin böyüməsidir. Bu ət Yevstax borusunun ağzını qapayır və qulaqda tutulma yaradır.

Uşağa çeynəmə konfeti və ya alma verin ki, çeynəmə hərəkəti etsin. Udqunma və çeynəmə zamanı qulaq kanalı açılır.

Uşaq balaca obyektləri (muncuq, plastik parçası) qulağına soxmuş ola bilər. Ona görə mütləq LOR həkiminin işıqla baxması lazımdır.

Bəzən uşaqlarda qripdən sonra qulaq arxasında maye yığılır (seroz otit). Ağrı olmur sadəcə eşitmə zəifləyir. Bunu ancaq həkim xüsusi aparatla təyin edə bilir.

Qətiyyən uşağın qulağına pambıq çubuq vurmayın və ya isti kompress etməyin. Əgər daxildə gizli iltihab varsa, istilik vəziyyəti ağırlaşdıra bilər.