Universitetlərin orta keçid balı reytinqində BANM və ADA niyə birinci pillələrdə yer alır?

Səbəb çox sadədir: BANM və ADA-da təhsil tamamilə beynəlxalq standartlara uyğundur, dərslər ingiliscədir və məzunların işlə təmin olunma faizi 90%-dən yuxarıdır.

Bu universitetlərdə zəif və ya aşağı ballı ixtisaslar ümumiyyətlə yoxdur. Bütün fakültələri yüksək ballı olduğu üçün ortalama rəqəm də 650-dən yuxarı çıxır.

Məncə bu iki universitetin idarəetmə modeli digər dövlət universitetlərinə də nümunə olmalıdır.

Tələbəyə verilən qiymətləndirmə sistemi tam şəffafdır. Rüşvət və ya tapşırıq söhbəti olmadığı üçün savadlı gənclər bura axışır.

Dövlət İdarəçilik Akademiyası (DİA) da 520.0 orta bal ilə 4-cü yerdədir. Çünki orada da ixtisas sayısı azdır və qəbul şərtləri sərt saxlanılır.

Yüksək ballı abituriyentlər xaricdə təhsil almaq əvəzinə ölkə daxilində ADA və BANM-i seçirlər, bu da sağlam rəqabət yaradır.

Məsələn BDU və ya UNEC-də 50-dən çox ixtisas var, orada 300 ballıq yerlər də olduğu üçün orta bal aşağı düşür (BDU 433.5, UNEC 445.1). Amma BANM-də cəmi 5-6 ixtisas var və hamısı top səviyyədədir.